İsmayıllıya dolu yağdı: meyvə-tərəvəzə, taxıl sahələrinə ziyan dəydi

Dünən axşam saatlarında İsmayıllı şəhərinə və bir neçə kəndə dolu düşüb.

APA-nın xəbərinə görə, təxminən 10 dəqiqə yağan dolunun ardınca güclü küləklə müşayiət olunan leysan xarakterli yağış yağmağa başlayıb. Meyvə-tərəvəzə, taxıl sahələrinə ziyan dəyib. Hazırda rayon fövqəladə hallar komissiyası tərəfindən təsərrüfata dəymiş ziyan hesablanır.