“WhatsApp”da təhqirə yol verən qadın qamçılanacaq

Səudiyyə Ərəbistanında "WhatsApp"da təhqirə yol verən bir qadını qamçılamaq qərarı çıxarılıb.

ANS PRESS-in məlumatına görə, "WhatsApp" mobil messencerində bir kişini təhqir edən səudiyyəli qadın 70 qamçı ilə cəzalandırılıb. Bu barədə “Daily Mail” xəbər yayıb.

Təhqirə məruz qalan kişinin şikayəti ilə qadına qamçı vurulmaqla yanaşı, 20 min Səud realı pul cəzası da kəsilib.

Qadın məhkəmədə dindirilmə zamanı etdiyi hərəkətin səhv olduğunu boynuna alıb. Lakin bu, onun cəzadan yayınmasına heç bir köməklik etməyib.

Qeyd edək ki, Səudiyyə Ərəbistanı Anti-Kiber cəza hüququna əsasən texnoloji cihazlarlın istifadəsi zamanı təhqirə yol verməyin cəzası 1 ilə qədər həbs və 500 min real ola bilər.