Göyçayda güclü leysan fəsadlar törədib

Göyçay rayonunda ötən gecədən başlayan leysan yağışları bu gün axşam daha da şiddətlənib.

AzNews.info-nun APA-ya istinadən məlumatına görə, yağışın əmələ gətirdiyi sel suları Göyçay şəhərinin şimalındakı fərdi yaşayış evlərini və dağətəyi ərazidə yerləşən həyətyanı sahələri və küçələri lil qatı ilə örtüb.

Rayonun Qarabaqqal kəndində sel suları su ötürücüsünü, avtomobil yolunu dağıdıb, elektrik dirəkləri və ağacları aşırıb. Elektrik naqillərinin qırılması səbəbindən Göyçay şəhərinə və ətraf kəndlərə elektrik enerjisinin verilişi dayanıb.