Belarus DSX: Ermənistandan Bolqarıstana uçan təyyarədə radiasiya fonu normadan 250 dəfə çox olub

Belarusun hava məkanından keçməklə Ermənistandan Bolqarıstana, daha sonra isə Xorvatiyaya uçması nəzərdə tutulan təyyarədə radiasiya fonu normadan 250 dəfə çox olan avadanlıq aparıldığı üzə çıxıb.
AzNews.info-nun APA-ya istinadən verdiyi məlumata görə, bunu jurnalistlərə açıqlamasında Belarus Dövlət Sərhəd Xidmətinin Sərhəd nəzarət idarəsinin rəisi Oleq Lyaşuk bildirib.

Qeyd edək ki, martın 19-da Ermənistandan Bolqarıstana uçan təyyarə tranzit olaraq keçdiyi Belarusun Qomel aeroportunda yoxlanılan zaman göyərtəsində radioaktiv yük aşkarlanıb. Bu barədə ilk dəfə bu gün “Qərb-2017” Rusiya-Belarus hərbi təliminin təşkili ilə bağlı iclasda Belarus prezidenti Aleksandr Lukaşenko məlumat verib.