Azərbaycanlı aktyor Türkiyədə veriliş açıb

Azərbaycanlı aktyor, şair Səbuhi Zaman Türkiyədə veriliş aparmağa başlayıb.

Aznews.info Qafqazinfo-ya istinadla xəbər verir ki, bu barədə aktyorun özü məlumat verib.

S.Zaman bildirib ki, layihə 30 oktyabr tarixindən “Kanal G”-də yayımlanmağa başlayıb.

O, verilişi həmyerlimiz Aydan Haqverdiyeva ilə birgə aparır.

Qeyd edək ki, “Adını sen söyle” verilişi musiqili poeziya formatlı layihədir.

Xatırladaq ki, S.Zaman sonuncu dəfə şair Vaqif Bəhmənlinin Mədəniyyət və turizm naziri Əbülfəs Qarayevə yazdığı şeiri səsləndirməsi ilə gündəmə gəlmişdi.