Əməkdar artist efirdə ağladı – VİDEO

ARB TV-nin “Gəlin danışaq” verilişinin qonağı olan Əməkdar artist Naibə Allahverdiyeva maraqlı açıqlamalar verib.

Oxu.Az xəbər verir ki, tanınmış aktrisa verilişdə şeir dedikdən sonra göz yaşlarını saxlaya bilməyib.

Sevilən aktrisa bunları söyləyib:

“Mən istəyərdim ki, əks cinsin nümayəndələri qadınlarımıza sahib çıxsınlar. Görəndə ki, qadınlarımız çox əziyyət çəkir, çox pis oluram. Bizim qadınlarımız çox gözəldirlər. Həm ailəcanlı, həm də yoldaşlarına sadiq. Dünyada Azərbaycan qadını kimisi yoxdur.

Başqa millətlərin də qadınları ilə ünsiyyətdə olmuşam. Onlar tamam başqadırlar. Bizim qadınlarımız kişilərimizdən asılıdır. Bizim qadınlarımız öz yoldaşlarını özlərinə arxa-dayaq hesab edirlər. Mən çox istərdim ki, kişilərimiz qadınlarımıza sahib çıxsınlar”.