670 bal toplayan tələbə özünü 11-ci mərtəbədən atdı

Bakıda intihar hadisəsi baş verib.

Aznews.info xəbər verir ki, Nizami Rayon Prokurorluğundan APA-ya verilən məlumata görə, hadisə ötən gecə rayonun Azər Manafov küçəsi, 1A ünvanında yerləşən yataqxana binasında qeydə alınıb.

Orada qalan, Bakı Ali Neft Məktəbinin 4-cü kurs tələbəsi, Maarif Hüseyn oğlu Abbasov özünü yataqxananın 11-ci mərtəbəsindən ataraq intihar edib. Onun özünə qəsd etməsinin səbəbləri hələlik məlum deyil.

Qeyd edək ki, M.Abbasov ali məktəbə qəbul olarkən 670 bal toplayıb. Faktla bağlı cinayət işi açılıb, araşdırma aparılır.