“Neolit” şadlıq evində yanğın olub

Bakıda yanğın hadisəsi qeydə alınıb.

Oxu.Az-ın Fövqəladə Hallar Nazirliyinin saytına istinadən verdiyi xəbərə görə, Bakının Nizami rayonunda vətəndaşa məxsus ümumi sahəsi 1500 m2 olan 3 mərtəbəli “Neolit” şadlıq evinin mətbəxində şaxtadan keçən elektrik kabeli 6 p.m yanıb.

Şadlıq evinin qalan hissəsi yanğından mühafizə olunub. Yanğın yanğınsöndürənlər tərəfindən söndürülüb.