Smartfonları idarə edən tatu yaradıldı – FOTO

ABŞ-ın məşhur Massaçusets Texnologiya İnstitutunun (MTİ) bir qrup tələbəsi “Microsoft” tərtibatçıları ilə birlikdə “ağıllı” tatu yaradıb.

Oxu.Az xəbər verir ki, İKT.lent.az-ın “The Verge” portalına istinadən yaydığı xəbərə görə, tatu smartfonları və digər mobil cihazları qismən idarə etməyə imkan verir.

Bu texologiya “DuoSkin” adını alıb. Onun elektron cihazlarla əlaqəsi sensorlu səth vasitəsilə təmin olunur, rabitəni isə NFC (yüksək keyfiyyətli simsiz texnologiya) təmin edir. Yeni texnologiyanın təfərrüatları sentyabrda daşınan cihazlara həsr edilmiş simpoziumda açıqlanacaq.

Tərtibatçıları hələlik onu bildirib ki, insanlar “ağıllı” tatunun zahiri görünüşünü qrafik redaktorla özləri müəyyən edə biləcək. Xüsusi yarımötürücüyə bunu həkk etdikdən və müəyyən elektron komponentləri ora möhkəmlətdikdən sonra bunu dəriyə transformasiya etmək lazımdır.