Kanadasayağı qarət

Kanadanın Nyufaundlend adasında beş min dollar oğurlayan şəxs “Cessna 180” kiçik təyyarəni qaçıraraq qəzaya uğrayıb.

Oxu.Az Life.Ru-ya istinadən xəbər verir ki, bu barədə yerli KİV məlumat yayıb.

Təyyarə Mitçells Pond gölündən təxminən 10 km aralıda qəzaya uğrayıb.

Hadisə zamanı ölən olmayıb. Təyyarənin 59 yaşlı sərnişini yüngül travmalar alıb, heç bir xəsarət almayan pilot isə hüquq-mühafizə orqanlarına təslim olub. Ona qarşı nəqliyyat vasitəsindən müvafiq lisenziya olmadan istifadə etməkdə ittiham irəli sürülüb. O həmçinin 5 min dolar pulu oğurlamaqda şübhəli bilinir.