Bakıda daha bir sahibkar intihar etdi – VİDEO

Bakının Nərimanov rayonunda sahibkar öz obyektində intihar edib. ANS PRESS-in məlumatına görə, “Dortek” mağazalarının sahibi olan 38 yaşlı Bilal Aslanovun səhər saatlarında özünü asaraq həyatına son qoyub.

Bildirilir ki, intihar edən Bilal Aslanov adəti üzrə səhər saatlarında mağazanın özü açıb. Daha sonra obyektə gələn işçilər onun zirzəmidəki anbarda özünü asdığını müəyyənləşdiriblər.

İntiharın səbəbləri hələlik bəlli olmasa da, onun özünə qəsdini biznesi ilə bağlayırlar. İş adamının biznesinin son vaxtlar xeyli zəiflədiyi deyilir. O, Təbriz küçəsində də yeni mağaza açsa da, planlaşdırılan gəlirlilik əldə edilməyib.

Hazırda rayon prokuroruluğu hadisə ilə bağlı araşdırmalarını davam etdirir. Mağaza isə müəyyən tarixə kimi bağlanıb.

Bundan əvvəl də Azərbaycanda maliyyə problemləri səbəbindən intihar edərək dünyasını dəyişənlər olmuşdu.