“Moskva” univermağında qarət: 300 minlik qızıl apardılar – VİDEO

Dünən “Moskva” univermağından oğurlanan qızıl-zinət əşyaların dəyəri məlum olub.

AzNews.info xəbər verir ki, Lent.az-ın əldə etdiyi xəbərə görə, univermaqdan ümumilikdə təxminən 300 min manatlıq qızıl-zinət əşyaları qarət edilib.

Faktla bağlı Cinayət Məcəlləsinin 177.3.2 (oğurluq, külli miqdarda ziyan vurmaqla törədildikdə) maddəsi ilə araşdırma aparılır.

Qeyd edək ki, dünən Nəsimi rayonunda yerləşən “Moskva” univermağında qarət hadisəsi baş verib. Gecə saatlarında naməlum şəxslər qapını sındırmaq yolu içəriyə daxil olaraq qızıl-zinət oğurlayıblar.