Nişandan qayıdan ailə yasa düşdü

Yevlax rayonunda ağır yol qəzası baş verib.

AzNews.info-nun Lent.az-a istinadən məlumatına görə, hadisə gecə saat 23 radələrində Yevlax-Aran-Mingəçevir yolunun 2-ci kilometrliyində baş verib. Belə ki, “Mercedes” markalı minik avtomobili sürücünün idarəetməsindən çıxaraq aşıb.

Nəticədə avtomobildə olan şəxslərdən 1989-cu il təvəllüdlü Mirzəyev Orxan Əvəz oğlu aldığı xəsarətlərdən hadisə yerində vəfat edib. Daha 4 nəfər isə müxtəlif dərəcəli bədən xəsarətləri ilə xəstəxanaya yerləşdirilib.

Qəzada yaralananlardan ikisi 8-10 yaşlı uşaqlardır.

Bildirilir ki, ailə üzvləri nişan mərasimindən Mingəçevirə qayıdarkən baş verib.

Faktla bağlı araşdırma aparılır.