ABŞ-da "Həddindən artıq uyğunluq" – VİDEO+FOTO

Cəfər Cabbarlı adına "Azərbaycanfilm" kinostudiyasında çəkilişlərinə start verilən "Həddən artıq uyğunluq" filminin çəkilişləri davam edir.

AzNews.info-nun məlumatına görə, ssenari müəllifləri Ramiz Fətəliyev və Aleksandr Mərdan olan filmin quruluşçu rejissoru Ülviyyə Könüldür. Filmin quruluşçu operatoru Nadir Mehdiyev, quruluşçu rəssamı Rafiq Nəsirov, icraçı prodüsseri Tofiq Musayev, prodüsseri isə Müşfiq Hətəmovdur.

Filmin ABŞ çəkilişlərinin təşkilində Andrey Bart Studio və Production Manager Oksana Şestakova yaxından köməklik göstərmişlər.

Dövlət sifarişi ilə çəkilən filmin çəkilişləri ABŞ və Azərbaycanda aparılır.

Qeyd edək ki, filmdə xalq artisti Afaq Bəşirqızı, aktyorlar Aydan Axundzadə, Tural Əsədov, Kamran Ağabalayev, Mirsalam Mirsalamov, Rüfət Nəzərov, habelə Amerikadan dəvət olunmuş aktrisalar Yevqeniya Orucova və Nara Qreq rol alacaq.