“ASAN ödəniş” sistemi bir neçə saat işləməyəcək

Bu gün "ASAN ödəniş" terminallarının xidmətində məhdudiyyət yaranacaq.

ASAN xidmət mətbuat mərkəzindən ANS PRESS-ə daxil olan məlumata görə, saat 09:00-dan 15:00-a kimi görülən profilaktik tədbirlər ilə əlaqədar “ASAN xidmət” mərkəzlərində və ictimai yerlərdə qurlaşdırılmış “ASAN ödəniş” terminalları xidmət göstərməyəcək. Vətəndaşların qeyd olunan müddət ərzində www.asanpay.az portalı üzərindən ödənişləri həyata keçirməsi də mümkün olmayacaq

Qeyd edək ki, “ASAN ödəniş” sistemi vasitəsi ilə vətəndaşlar inzibati cərimələr və məhkəmə qərarlarının icrası üzrə ödənişləri terminallar və www.asanpay.az portalı vasitəsi ilə həyata keçirə bilərlər. İlkin mərhələdə yalnız Yol Hərəkəti Qaydalarının (YHQ) pozulmasına görə cərimələrin ödənişi mümkündür.