Azərbaycanda 31 dərəcə isti olacaq

Avqustun 29-də Bakıda havanın dəyişkən buludlu olacağı, arabir tutulacağı, əsasən yağmursuz keçəcəyi gözlənilir.

Oxu.Az Ekologiya və Təbii Sərvətlər Nazirliyinin Milli Hidrometeorologiya Departamentinin məlumatına istinadla xəbər verir ki, gündüz Abşeron yarımadasında cənub-şərq küləyi əsəcək.

Temperatur gecə 19-22, gündüz 25-30 dərəcə isti olacaq. Bakıda gecə 19-21, gündüz 27-29 dərəcə isti olacağı gözlənilir.

Azərbaycanın dağlıq rayonlarında şimşək çaxacağı, arabir yağış yağacağı gözlənilir. Ayrı-ayrı yerlərdə duman olacaq. Şimal-şərq küləyi əsəcək, arabir güclənəcək.

Temperaturu gecə 16-21, gündüz 26-31, dağlarda gecə 7-12, gündüz 14-19 dərəcə isti olacaq.