Arman Mikaelyan Azərbaycanla sərhədi keçmək istədi

Yanvarın 16-da Ermənistan-Azərbaycan sərhədində minanın partlaması nəticəsində Ermənistanın Tavuş vilayətinin Barekamavan kəndiunin sakini Arman Mikaelyan ciddi xəsarət alıb.

Virtualaz.org Ermənistan KİV-lərinə istinadən xəbər verir ki, hazırda Mikaelyan Noyemberyanda hospitala yerləşdirilib. Onun pəncəsi qopub, amputasiya əməliyyatı aparılacaq. Həyatı üçün təhlükə yoxdur.

Mikaelyanı hadisə yerindən partlayışdan üç saat sonra müvafiq bölmənin köməkliyi ilə uzaqlaşdırmaq mümkün olub.

Sonradan məlum olub ki, xəsarət alan şəxs ruhi xəstədir. O, sərhədə yaxınlaşıb və tikanlı məftili keçmək istəyib, elə həmin an partlayış baş verib. Bunu kəndin ağsaqqalı bildirib.