Meyiti qaytarılan şəhid əsgərin atası danışdı

"Şəhid Çingiz Qurbanov Qusarda torpağa tapşırılacaq".

Bunu "Qafqazinfo"ya açıqlamasında 1994-cü ildə Qusada anadan olmuş şəhid əsgərin atası Salman Qurbanov deyib.

O, hazırda Müdafiə Nazirliyinə getdiyini bildirib.

AzNews.info xatırladır ki, Azərbaycan Respublikasının Prezidenti, Silahlı Qüvvələrin Ali Baş Komandanı İlham Əliyevin səyi nəticəsində Azərbaycan-Ermənistan dövlət sərhədində düşmən təxribatının qarşısını alarkən 2016-cı il dekabr ayının 29-da şəhid olmuş əsgər Qurbanov Çingiz Salman oğlunun nəşi fevralın 5-də geri qaytarılıb.

Onu da qeyd edək ki, hərbi qulluqçumuzun meyitinin geri alınması prosesi ATƏT-in fəaliyyətdə olan sədrinin şəxsi nümayəndəsi səfir Anjey Kasprşik və Beynəlxalq Qızıl Xaç Komitəsinin vasitəçiliyi ilə Qazax rayonunun Bala Cəfərli kəndi istiqamətində baş tutub.