"Qafqaz Qartalı" başladı

Türkiyə, Azərbaycan və Gürcüstan xüsusi təyinatlılarının birgə təlimi başladı. Birgə təlimlər "Qafqaz Qartalı" adı ilə keçirilir.

ANS PRESS-in məlumatına görə, bu xəbəri Türkiyə Silahlı Qüvvələrinin Baş Qərargahı yayıb. Təlim may ayının 31-də start götürüb. Birgə təlim iyunun 10-dək davam edəcəyi bildirilir.

Türkiyədə keçiriləcək təlimlərin məqsədi üç ölkənin xüsusi təyinatlı qüvvələri arasında koordinasiyanı təmin etmək, qarşılıqlı təcrübə mübadiləsini həyata keçirmək, birgə əməliyyatların aparılması bacarıqlarını yüksəltməkdir.

Təlimdə Türkiyənin 1 xüsusi təyinatlı tağımı, iki çoxməqsədli helikopteri və bir nəqliyyat təyyarəsi, Azərbaycan və Gürcüstandan isə hərəsindən 1 xüsusi təyinatlı bölmə iştirak edəcək.