Türkiyəli nazirdən Putinin sözlərinə reaksiya

"Rusiya prezidenti Vladimir Putinin qondarma erməni soyqırımı ilə bağlı fikirləri ortaq layihələrə təsir etməyəcək".

ANS PRESS-in məlumatına görə, bunu Türkiyənin energetika və təbii sərvətlər naziri Taner Yıldız deyib.

O bildirib ki, bu məsələyə hər birimiz həssaslıq göstərməliyik: "Çünki biz strateji layihələri həyata keçirən iki ölkəyik. Bir-birimiz üçün həssas məsələlərdə diqqətli olmalıyıq. İnanırsınız ki, bu sözləri söyləyəcəyimi təxmin etmirdim", - deyə nazir qeyd edib.

Xatırladaq ki, Rusiya dövlət başçısı 24 aprel 1915-ci il hadisələrini insanlıq tarixinin ən qorxunc, dramatik hadisələrindən biri kimi qəbul etdiyini və erməni xalqının “soyqırımı” ilə əlaqədar kədərli bir tarix olduğunu vurğulayıb.