Erməni biclərinin muğam sevgisi

Azərbaycan KİV-ləri Yekaterinburqda gənc azərbaycanlı Emil Hüseynovun öldürülməsindən yazırlar. Sadəcə, doğma Azərbaycan musiqisini eşitmək istədiyinə görə faşist erməni gəncləri ona hücum ediblər və bıçaqla ürəyindən vurublar.

Mən Qarabağ müharibəsindən qabaqkı İrəvanı xatırlayıram, onda Naxçıvana yol oradan keçirdi. Hər gün saat birdən ikiyə kimi bütün küçə və meydanlarda Azərbaycan musiqisi səslənirdi. Yay kafelərinin müdirləri, çəkməçilər, başqa kiçik müəssisələrin işçiləri öz radioqəbuledicilərini Azərbaycan radiosuna kökləyirdilər ki, Azərbaycan muğamının ecazkar ahəngini dinləyə bilsinlər. Onda buna görə heç kimi öldürmürdülər. İndi vəziyyət fərqlidir.

Prezident Serj Sarkisyanın və sələfi Robert Koçaryanın Azərbaycana düşmən siyasətinin təsiri altında böyümüş erməni gəncləri əlləri dirsəyə qədər azərbaycanlı qanına bulanmış bu Qarabağ başkəsənlərindən yalnız kin-küdurət öyrəndi. Bu gənclərin ataları və babaları Azərbaycan musiqisini sevdiyi halda, indi onlar Azərbaycana aid hər şeyi - musiqiyə də, kitablara da, incəsənətə də nifrət edirlər. Məhz bu, onları faşizmə yuvarlandırır.

Düşünmək gərəkdir, görəsən, niyə yoxsul Ermənistan uydurma soyqırımın 100 illiyinin keçirilməsinə bu qədər pul xərcləyir. Bu məsələdən pul və siyasi kapital qazanmaq istəyirlər. Bir saniyəliyə düşünün ki, Türkiyə birdən soyqırımı tanıyır. Əmin edirəm, bir gündən sonra bütün Avropa məhkəmələri uydurma soyqırıma görə maddi təzminatla bağlı ərizələrlə dolacaq. Özü də ərizələr Ermənistanın bütün əhalisindən çox olacaq. Başlıcası isə, bu səs-küy Ermənistanın siyasi elitasına lazımdır ki, ölkə əhalisinə gündəlik çörək problemlərini, uşaqlarının Dağlıq Qarabağda həlak olmasını unutdursun.

Ermənistan faşizmin ikinci vətəninə çevrilib. Xocalıdakı qanlı soyqırımdan bu aydın oldu. Erməni faşistləri qocaları, qadınları və uşaqları sadəcə öldürmədilər, işgəncə ilə qətlə yetirdilər.

Bu günlərdə sadəcə doğma musiqisini eşitmək istədiyinə görə gənc azərbaycanlının öldürülməsi də sübut edir ki, yalvaran, zarıyan Ermənistanda faşizm var gücü ilə çiçəklənir.