Tramp KİV-i “insanların düşməni” adlandırdı

ABŞ prezidenti Donald Tramp yenidən kütləvi informasiya vasitələrini tənqid edib.

Virtualaz.org bildirir ki, bu barədə o öz “Tvitter” bloqunda yazıb.

Onun sözlərinə görə, mətbuat orqanları respublikaçıları, mühafizəkarları və şəxsən onu ölkədəki bütün mövcud problemlərdə günahlandırmaq üçün əllərindən gələni edirlər.

Pittsburqda baş vermiş terror aktından bəhs edən Tramp KİV-i “insanların düşməni” adlandırıb: “Ölkəmizdə saxta və yalan xəbərlərlə yaradılmış qəzəb hökm sürür. KİV açıq düşmənçiliyə son qoymalı və xəbərləri düzgün, ədalətli çatdırmalıdır”.

Xatırladaq ki, D.Tramp KİV-i bundan əvvəl də dəfələrlə kəskin tənqid edib.