Ərdoğan Üçüncü Dünya müharibəsi barədə

Suriya ərazisində ABŞ hərbi bazalarının yaradılması Rusiya əleyhinə yönəlib və III Dünya müharibəsinin başlanmasına səbəb ola bilər. Bunu Türkiyə Prezidenti Rəcəb Tayyib Ərdoğan bəyan edib.

Dövlət başçısı bildirib ki, Türkiyə hadisələrin istənilən gedişinə hazır olmalıdır.

R.T.Ərdoğan deyib ki, hazırda Suriya ərazisində Birləşmiş Ştatların təqribən 20 hərbi bazası yerləşir:

"Sual yaranır: Suriya ərazisində ABŞ hərbi bazalarına nə ehtiyac var? Belə təəssürat yaranır ki, bu bazalar Rusiya və İrana qarşı yönəlib".