Türkiyədə 2 hərbi vertolyot əsgərlərlə birgə yoxa çıxıb

Hurriyyet.org türk mətbuatına istinadən xəbər verir ki, hərbi çevriliş cəhdi zamanı istifadə edilən iki vertolyotun harada olması barədə hələ də məlumat yoxdur.
Bu barədə “Hürriyet” qəzetinin jurnalisti Abdulqadir Selvi yazıb. Jurnalist yazır ki, iyulun 17-dən 18-nə keçən gecə iki hərbi vertolyot Marmaris istiqamətində meşə massivinə uçub. Vertolyotların haradan haraya uçduqları bəlli deyil.

Onların prezident Ərdoğanın istirahət etdiyi otelə hücum edən 25 nəfəri xilas etməyə yollandıqları güman edilir.
Hazırda vertolyotların və əsgərlərin axtarışları davam etdirilir.