Putin ilin ən əhəmiyyətli hadisəsini açıqladı – VİDEO

Rusiya prezidenti Vladimir Putinin fikrincə, 2015-ci ilin ən əhəmiyyətli hadisəsi Böyük Vətən müharibəsinin 70-illiyinin qeyd olunmasıdır. Dövlət başçısı etiraf edib ki, qalib nəslin taleyi onu bu gün də ruhlandırır.

Oxu.Az-ın Lenta-ya istinadən məlumatına görə, Putin bu barədə qarşıdan gələn Yeni il bayramına həsr olunan mərasimdə çıxışı zamanı deyib. RF prezidentinin çıxışının tam mətni Kremlin rəsmi saytında yerləşdirilib.

“Çox vacibdir ki, rus cəmiyyəti bu çətin zamanda həmrəylik göstərir, biz birlikdə hərəkət edirik və hər zaman öz dəyərlərimizi, milli maraqlarımızı və dövlətin təhlükəsizliyini müdafiə etməyə hazırıq”, - prezident qeyd edib.