YAP seçkilərə bu şüarla gedir

Hakim Yeni Azərbaycan Partiyası parlament seçkilərinə “Yeni Hədəflərə Doğru” şüarı ilə gedəcək.

AzNews.info xəbər verir ki, bu barədə AzVision.az-a YAP-ın icra katibinin müavini, deputat Siyavuş Novruzov deyib.

Onun sözlərinə görə, bununla bağlı artıq partiyanın proqramı hazırlanıb:

“Artıq Yeni Azərbaycan Partiyasının seçki proqramı bukletlər şəklində çap olunub və təbliğat-təşviqat kampaniyası müddətində seçicilərə çatdırılacaq”.

S.Novruzov həmçinin bildirib ki, YAP deputatlığa namizədlərin vahid plakatlarını hazırlayıb:

“Yeni Azərbaycan Partiyasının deputatlığa namizədləri üçün vahid plakatlar hazırlanıb. Namizədlər üçün hazırlanan plakatlar sadəcə üzərlərinə vurulan dairələrin nömrələri ilə fərqlənir. Biz təbliğat-təşviqat kampaniyası dövründə qanunvericiliyin verdiyi bütün üsul və vasitələrindən istifadə edəcəyik”.