Ukrayna Donbasdakı qüvvələrini geri çəkdi

Ukrayna hərbçiləri bazar ertəsi oktyabrın 5-də kalibri 100 millimetrdən az olan silahlarını Donbasın sərhəd xəttindən geri çəkməyə başlayıblar.

Oxu.Az xəbər verir ki, bu barədə “112” telekanalının efrində Antiterror əməliyyatı qərargahının rəsmi nümayəndəsi Anatoli Stelmah bildirib.

“Texnika və silahlar” ən azı 15 km məsafəyə geri çəkilir, ümumilikdə bu proses 41 sutka zaman alacaq, və bu zaman ərzində yerləşmə məkanına T-64 tankları və T-42 tankları, D-48 və D-44 tankəleyhinə toplar aparılacaq”, - Stelmahın sözlərindən RİA Novosti sitat gətirib.