Sarkisyan ölkədən qaçdı – FOTO

Ermənistanın müdafiə naziri Seyran Ohanyan cəbhə xəttində baş verən gərginlik barədə açıqlama verib və yenə sərsəmləyərək Azərbaycanı atəşkəsi pozmaqda ittiham edib.

ANS PRESS-in məlumatına görə, o, Azərbaycan tərəfinin çox gücləndiyini etiraf edib və ordunun son günlərdə fəallaşmasını ölkə daxilindəki problemlərlə əlaqələndirib. Amma Azərbaycanda hansı problemin olduğu barədə heç nə deyə bilməyib. Təbii ki, onun bu iddiası Ermənistanın məğlubiyyətlə üzləşməsini ictimaiyyətdən gizlətmək məqsədi daşıyır. Belə olmasaydı, o, bu gecə törətdikləri təxribat cəhdlərinin qarşısının qətiyyətlə alınmasından və ən azı 5 nəfər itki verməklə geri çəkilməklərindən söz açardı.

S.Ohanyan jurnalistlərə növbəti dəfə yalan söyləyərək deyib ki, son günlərdə sərhəd zonasında və cəbhə xəttində gərginlik müşahidə olunur, atəş səsləri güclənib: "Rəqib tərəf yalnız Dağlıq Qarabağ ərazisini güllələmir, həm də Ermənistanın digər sərhəd məntəqələrini böyuk kalibrli minaatanlardan atəşə tutur."



Erməni nazir Azərbaycan tərəfinin fəallığını özünəməxsus şəkildə izah edib. Onun sözlərinə görə, rəqibin gərginliyi artırmasının bir çox səbəbləri var. Buna daxili siyasət və beynəlxalq proseslər daxildir. İndi regionda və beynəlxalq səhnədə müşahidə olunan hadisələr, eləcə də Azərbaycandakı daxili siyasət və iqtisadi şərait cəbhə xəttində gərginliyin artmasına təsir göstərir.

O, erməni xalqına müraciət edərək, Azərbaycanın bu fəallığından təlaş keçirməməyə, insanları arxayın olmağa çağırıb: "Heç kim heç nədən qorxmasın. Erməni ordusu qarşısında qoyulmuş bütün məsələni yerinə yetirir və sülhü təmin etmək gücündədir. Dağlıq Qarabağ ərazisinə və Ermənistan sərhədlərinə erməni bölmələri tərəfindən nəzarət edilir. Bu gün erməni əsgərində güclü döyüş ruhu var, bütün silahlı bölmələrdə mənəvi-psixoloji vəziyyət normaldır, onlar əvvəldən qarşıya qoyulmuş məsələləri yerinə yetirirlər."



Görəsən, erməni nazir hansı döyüş ruhundan, hansı ordudan, gücdən danışır. Seyran Ohanyanın bu ağızdolu çıxışını anlamamaq mümkün deyil. Çünki bu ölkədə vəziyyət olduqca çətinləşib, analar övladlarını əsgər göndərmək istəmirlər. Bundan əlavə, orduda xidmət etmək üçün insan çatmır. Gənclərin əksəriyyəti müxtəlif bəhanələrlə ölkəni tərk ediblər. Maraqlıdır ki, indi Ermənistan prezidenti Serj Sarkisyan da ölkəni tərk edib. O, qısamüddətli məzuniyyət adı ilə xaricə qaçıb. Bu barədə Ermənistan prezidentinin mətbuat xidməti bildirib, amma hara getdiyini deməyib.

Digər tərəfdən, erməni nazir qabaqdangəlmişlik edərək beynəlxalq aləmin diqqətinə çatdırmağa çalışır ki, guya Azərbaycan atəşkəsi pozur. Halbuki, hər gün ermənilər atəşkəsi pozurlar. Məsələn, iyulun 24-dən 25-nə keçən gecə ermənilər Dağlıq Qarabağa aidiyyəti olmayan ərazini, Gədəbəy rayonunu atəşə tutub. Azərbaycan Müdafiə Nazirliyi bildirib ki, erməni silahlı bölmələri cəbhənin müxtəlif istiqamətlərində sutka ərzində atəkəs rejimini 102 dəfə pozub. Ümumiyyətlə, erməni silahlı bölmələri cəbhə bölgəsinin müxtəlif istiqamətlərində iyulun 20-dən 26-dək atəşkəs rejimini 488 dəfə pozub.

Beləliklə, Ermənistanda böyük müharibə qorxusu yaşanır. Əhali təlaş içində qalıb, prezident Serj Sarkisyan isə xarici pasportunu da götürərək ölkəni tərk edib. Erməni KİV-lər onun bir daha geri qayıtmayacağını yazıblar.