İran: "İŞİD-dən Türkiyəyə neft daşınır"

Suriyadakı nümayəndələrimiz İŞİD-dən Türkiyəyə neft daşıyan TIR-ların hərəkət etdiyi yolların fotolarını çəkib.

Axar.az xəbər verir ki, bunu İranın Qəbul edilən Qərarların Uyğunluğu Şurasının katibi Möhsin Rəzayi deyib.

“Əlimizdə Türkiyəyə neft daşıyan TIR-ların keçdiyi yolların fotoları var. Biz bu faktları istənilən vaxt ictimaiyyətə təqdim edə bilərik. Əgər Türkiyə hökumətinin bu barədə məlumatı yoxdursa, onlarla da bu faktı bölüşməyə hazırıq”, - deyə Rəzayi bildirib.

Rəzayi onu da əlavə edib ki, aparıcı dövlətlər bütün enerjilərini digər məqsədlər üçün yox, məhz İŞİD-i məhv etmək üçün istifadə etməlidir.