Nobel laureatı Bakıya dəvət olundu

Nobel Sülh Mükafatı laureatı Məhəmmd Yunus Azərbaycana dəvət alıb.

Oxu.Az Beynəlxalq Avrasiya Mətbuat Fonduna istinadən xəbər verir ki, dəvət adıçəkilən fondun sədri Umud Mirzəyev tərəfindən edilib.

Qeyd edək ki, fondun sədri Nobel Sülh Mükafatı laureatı Məhəmmd Yunusun dəvəti ilə mayın 25-dən 31-dək Banqladeşə səfər edib.

Görüş çərçivəsində Mirzəyev Nobel Sülh Mükafatı laureatlarının dünyanın münaqişə ocaqlarının olduğu ölkələrə səfərlərinin vacibliyini qeyd edib və M.Yunusu Azərbaycana dəvət edib.

Xatırladaq ki, Məhəmməd Yunus Banqladeşli iqtisadçı, professordur. İqtisadi, sosial inkişaf sahələrindəki fəaliyyətinə görə 2006-ci ildə Nobel Sülh Mükafatına layiq görülüb.