Xəzərin hüquqi statusuna dair işçi qrupunun iclası başlayıb

Bakıda Xəzəryanı ölkələrin xarici işlər nazirlərinin müavinləri səviyyəsində Xəzər dənizinin hüquqi statusu haqqında Konvensiyanın hazırlanması üzrə Xüsusi İşçi Qrupunun növbəti iclası keçirilir.

Oxu.Az xəbər verir ki, iclasın gedişində iştirakçılar Xəzər dənizinin hüquqi statusu haqqında Konvensiyanın razılaşdırılmamış müddəaları, eləcə də Xəzəryanı ölkələrin XİN başçılarının görüşünə hazırlıq üzrə məsələlərin müzakirəsini davam etdirəcəklər.

İclası giriş nitqi ilə Azərbaycanın xarici işlər nazirinin müavini Xələf Xələfov açıb.