Nazirlikdən mindən çox şirkət rəhbərinə – QADAĞA

Vergilər Nazirliyi vergi borcuna görə ölkədən getmə hüququ məhdudlaşdırılmış hüquqi şəxslərin icra orqanları rəhbərlərinin adını açıqlayıb.
Aznews.info APA-ya istinadən xəbər verir ki, 23 dekabr tarixinə vergi borcu olduğuna görə 1106 müəssisə rəhbərinin ölkədən çıxması qadağan edilib. Nazirlik vergi ödəyicilərinin borcunu açıqlamayıb.

Həmçinin Vergilər Nazirliyi vergi borcuna görə ölkədən getmə hüququ məhdudlaşdırılmış fiziki şəxslərin adını açıqlayıb.

Qeyd olunan tarixə vergi borcu olduğuna görə 472 şəxsin ölkədən çıxması qadağan edilib.