Deputat: Əhali şok yaşamamalı idi

“Hesab edirəm ki, manatın devalvasiyası yumşaq aparılmalı idi ki, xalq şok effekti yaşamasın”.

Aznews.info Report-a istinadən xəbər verir ki, bunu bu gün keçirilən “Azərbaycanda kiçik və orta sahibkarlığın inkişafı” adlı konfransda çıxış edən millət vəkili Vahid Əhmədov deyib.

V.Əhmədov bildirib ki, manatı qorumaq üçün Azərbaycan Mərkəzi Bankı (AMB) 11 milyard dollardan çox vəsait xərcləyib:

“Əvvəllər deyirdik ki, neftin qiyməti bazardan asılıdır. Amma indi görürük ki, bu siyasi proseslərdən asılıdır. Bəzi dövlətlər Rusiyanı sıxmaq üçün belə edir”, - deyə o, sözlərinə əlavə edib.