Ekspert: Azərbaycanda inşaat böhranı başlayır

Azərbaycanda növbəti devalvasiya ölkədə inşaat böhranını qaçınılmaz etdi.

AzNews.info xəbər verir ki, bu barədə Fineko/abc.az-a MBA Consulting Group-un baş direktoru Nüsrət İbrahimov bildirib. Birinci fevral devalvasiyasından sonra alqı-satqı dayansa da, inşaat müəyyən dərəcədə davam edirdi.

“Bugünkü devalvasiya inşaat böhranını qaçınılmaz etdi, belə ki, birincisi idxal edilən inşaat materialları 50% bahalaşacaq, eləcə də Azərbaycanın Vergi Məcəlləsində yanvarın 1-dən qüvvəyə minən dəyişikliklərdə nəzərdə tutulan vergi rüsumu artacaq”, - İbrahimov deyib.

Onun sözlərinə görə, devalvasiyanın sazişlərin sayına təsirindən danışmağa dəyməz, belə ki, əmlak bazarında alqı-satqı hələ birinci devalvasiyadan sonra demək olar ki, dayandırılıb.

O zamandan bəri vətəndaşlar xaricdə, əsasən də Türkiyədə əmlak almağa başlayıblar.