Nazir: Azərbaycanda təyyarə biletləri 30% ucuzlaşıb

Azərbaycanda bütün beynəlxalq uçuşlar üzrə ekonom xidmət sinfinin tarifləri 2015-ci il avqustun 1-dən 20-30 faizədək aşağı salınıb.

Oxu.Az xəbər verir ki, bunu Azərbaycan prezidenti İlham Əliyevin sədrliyi ilə keçirilən Nazirlər Kabinetinin 2015-ci ilin 9 ayının sosial-iqtisadi inkişafının yekunları və qarşıda duran vəzifələrə həsr olunmuş iclasında iqtisadiyyat və sənaye naziri Şahin Mustafayev bildirib.

Nazirin sözlərinə görə, təyyarələrdə ən ucuz yerlərin sayı 30 faizədək artırılıb.

“Tələbat çox olan istiqamətlər üzrə aşağı büdcəli reyslərin təşkilinə başlanılıb. Hazırda AZAL-ın fəaliyyətinin səmərəliyinin artırılması məqsədilə müvafiq işlər aparılır”.