AZAL gözəl qızlar axtarır

“Azərbaycan Hava Yolları” QSC (AZAL) təyyarə bələdçisi vəzifəsinə müsabiqə elan edib.

Bu barədə Oxu.Az-a AZAL-dan bildirilib.

Qurum qeyd edib ki, 2015-ci il sentyabr ayının 10-dan oktyabr ayının 10-dək saat 10.00-dan 13.00-a kimi ”Azərbaycan Hava Yolları” QSC-nin təyyarə bələdçisi vəzifəsinə sənəd qəbulu elan edilir.

Namizədlər müsabiqə yolu ilə seçiləcəklər.

Müsabiqədə yalnız 18 yaşından 30 yaşınadək, boyu 165 sm-dən aşağı və 180 sm-dən çox olmayan; azərbaycan, rus, inglis və ya digər xarici dillərdə sərbəst danışmağı bacaran, xarici görünüşü xoşagəlimli qızlar iştirak edə bilər.

Müsabiqədə iştirak üçün aşağıdakı sənədlərin əsli və surətləri tələb olunur:

- şəxsiyyət vəsiqəsi;

- bir fotoşəkil (3х4);

- xarici pasport;

- diplom, tibbi və xarici dil sertifikatları (əgər mövcuddursa).

Bütün sənədlər “Azərbaycan Hava Yolları” QSC-nin Kadrlar İdarəsinə təqdim olunmalıdır.

Məlumat üçün “Azərbaycan Hava Yolları” QSC-nin Kadrlar İdarəsinə müraciət edə bilərsiniz.