Tünzalə Ağayevanın “Bakı-2015” sürprizi

Azərbaycanın Əməkdar artisti Tünzalə Ağayeva “Bakı-2015” ilk Avropa Oyunlarına həsr olunan mahnı ifa edəcək.

AzNews.info-nun məlumatına görə, bu barədə Avropa Oyunlarının Ulduz Elçisi olaraq seçilən Tünzalə Ağayeva danışıb.

“İlk Avropa Oyunlarının ulduz elçisi olaraq mən də yarışlara öz töhfəmi bu mahnım ilə vermək istəyirəm. Bütün dünyanın diqqətini iyunda ölkəmizə yönəldəcək Avropa Oyunları üçün ifa edəcəyim mahnının ingilis versiyasını məşhur fransalı müğənni Kelli Coys təqdim edəcək”, - deyə müğənni AzərTAc-a müsahibəsində bildirib.

Qeyd edək ki, bu haqda məlumat Kelli Coysun rəsmi internet səhifəsində də yer alıb.