Dado boşanması haqda: Natavan, məni bağışla

Xəbər verdiyimiz kimi, müğənni Natavan Həbibi və reper Dado (Səid Əliyev) boşanır.

Oxu.Az xəbər verir ki, reper sosial şəbəkədə məsələ ilə bağlı açıqlama yayıb.

“Heç bilmirəm son zamanlar bizdən yazılan hansı xəbərdən danışım. Ailəmizin dağılmağından, yoxsa uydurma xəbərlərdən? Mən elə kişi deyiləm ki, öz həyat prinsiplərimi pulun üzərində qurum. Adam kişi olar. Bu söhbəti yaradanlarla danışarıq...

Ortada şər və böhtan var. Bəlkə, kimsə özünü bu rolda görür, belə addımlara normal baxır, düşünür ki, şou-biznes insanlarıdır. Xeyr. Mən o kəslərdən deyiləm. Mənim nə adım, nə də hissim satılır. Bu, nə biabırçılıqdır?

Ailəmə toxunmayın. Nat, olanlara görə məni bağışla, sən mənim ailəmsən. Mən sona qədər ailəmizin dağılmasına imkan verməyəcəyəm. Səni çox sevirəm”, - deyə reper yazıb.