İlham Əliyev Yusif Eyvazovu və Anna Netrebkonu mükafatlandırdı

Prezident İlham Əliyev Yusif Eyvazova “Xalq artisti” fəxri adının verilməsi haqqında sərəncam imzalayıb.

Virtualaz.org-un məlumatına görə, sərəncamda qeyd edilir ki, Azərbaycan musiqi mədəniyyətinin inkişafında böyük xidmətlərinə görə Yusif Vilayət oğlu Eyvazova “Xalq artisti” fəxri adı verilsin.

Dövlət başçısının digər sərəncamı ilə Anna Yuryevna Netrebko Rusiya Federasiyası ilə Azərbaycan Respublikası arasında musiqi sənəti sahəsində əməkdaşlığın möhkəmləndirilməsində səmərəli fəaliyyətinə görə “Dostluq” ordeni ilə təltif edilib.

Xatırladaq ki, Rusiyada yaşayıb-fəaliyyət göstərən opera müğənnisi Yusif Eyvazov 2015-ci ilin dekabrında Rusiyanın xalq artisti Anna Netrebko ilə ailə qurub.