Azərbaycanlı Rusiyanın büdcəsinə 30 min dollar qazandırdı

Kazanda Azərbaycan vətəndaşını əfv ediblər. O, Rusiyadan qeyri-qanuni yolla böyük məbləğdə dollar və rubl çıxarmağa cəhd edib.

Oxu.Az Rusiya KİV-nə istinadən xəbər verir ki, 2015-ci ilin yanvarın 31-də Kazan aeroportunda Azərbaycan vətəndaşı Rusiya Federasiyası sərhədlərindən 30 min dollar çıxarmağa cəhd edərkən saxlanılıb.

Amma, Rusiya Federasiyası Cinayət Məcəlləsinin 200.1-ci “Nağd pul qaçaqmalçılığı” maddəsinə görə açılan cinayət işinə xitam verilib, Qələbənin 70 illiyinə görə isə əfv edilib.

Bununla yanaşı xarici vətəndaşın çıxarmağa çalışdığı 20 min dollar və 21,5 min rubl məbləğində pul vəsaiti məhkəmənin qərarı ilə RF-nin xəzinəsinə verilib.