Bakıda qadın türk kişini soydu

Oğurluq etdiyinə görə tutulan qadından narkotik vasitə tiryək götürülüb

ANS PRESS-in Daxili İşlər Nazirliyinin mətbuat xidmətinə istinadən verdiyi məlumata görə, əməliyyat Yasamal rayon Polis İdarəsi 29-cu polis bölməsi əməkdaşları tərəfindən keçirilib.

Həyata keçirilən əməliyyat-axtarış tədbirləri nəticəsində aprelin 30-da Türkiyə vətəndaşı Ərişan Balonun yaşadığı evdən 650 manat, 50 ABŞ dolları, 250 lari və 30 türk lirəsi, habelə qızıl üzük oğurlayan Ağstafa rayon sakini, əvvəllər məhkum olunan Maya Yaqubova tutulub.

Ondan 0,712 qram tiryək götürülüb.

Faktla bağlı araşdırmalar davam edir.