Mingəçevirdə avtomat və tapança tapıldı

Mingəçevirdə odlu silah və vasitələri tapılıb.

Oxu.Az xəbər verir ki, bu barədə Daxili İşlər Nazirliyinin rəsmi saytı məlumat yayıb.

Məlumata görə, Mingəçevir Şəhər Polis Şöbəsinin əməkdaşları şəhər ərazisindən “AK” markalı avtomat, “Makarov” markalı tapança, “TOZ-34” markalı tüfəng, 2 ədəd patron darağı və 66 ədəd müxtəlif çaplı patron tapıb.

Faktla bağlı araşdırma aparılır.