Kərim Benzema həbs olundu

İspaniyanın “Real” klubunun hücumçusu Kərim Benzema “Lion” klubunun futbolçusu Matye Valbuenanın şantaj edilməsi işi üzrə Fransa polisi tərəfindən həbs olunub.

Virtualaz.org saytı “Eurosport”-a istinadən bildirir ki, hücumçu yaxın vaxtlarda polis tərəfindən sorğu-sual ediləcək.

Qeyd edək ki, oktyabrın 13-ü Fransa polisi ölkə millisinin və Rusiyanın “Kuban” klubunun sabiq hücumçusu Cibril Sisseni həbs etmişdi. Bundan əvvəl adı çəkilməyən daha üç şəxs də polis tərəfindən saxlanılıb.

Ehtimal olunur ki, bu şəxslərdə Valbuenaya məxsus intim xarakterli görüntülər var.

Daha sonra Fransa polisi sübutlar olmadığı üçün Sisseni azadlığa buraxıb.