Bakıda polis polisi vurdu

Paytaxtda polis işçisi idarə etdiyi şəxsi avtomobili ilə xidmət başında olan digər bir polisi vurub.

Daxili İşlər Nazirliyindən ANS PRESS-ə verilən məlumata görə, Sabunçu rayonunun Bakıxanov qəsəbəsində polis serjantı Aydın Babayev xidmətdən idarə etdiyi şəxsi “Mercedes” markalı avtomobili ilə Bakı şəhər Baş Polis İdarəsinin Dövlət Yol Polisi İdarəsinin Yol Patrul Xidməti inspektoru, polis serjantı Samir Dənziyevi vurub, hadisə yerini tərk edib.

S.Dənziyev xəstəxanaya yerləşdirilib.

Görülmüş tədbirlərlə Aydın Babayev saxlanılıb.

Faktla bağlı araşdırma aparılır.