Bakıda kondisioner oğrusu saxlanıldı

Bakıda vətəndaşlardan kondisioner oğurlayan şəxs saxlanılıb.

Bu barədə Oxu.Az-a DİN-dən bildiriblər.

Məlumata görə, iyulun 29-na keçən gecə Nəsimi rayonu ərazisində Bakı şəhər sakini Valeriy Tsvetkova məxsus dərzi sexinin divarında quraşdırılmış kondisioner oğurlanıb.

Nəsimi RPİ 22-ci PB əməkdaşlarının həyata keçirdikləri əməliyyat-axtarış tədbirləri nəticəsində oğurluğu törətmiş Masallı rayon sakini əvvəllər məhkum olunmuş Nazir Əsədov tutulub.

Ətrafında aparılmış əməliyyat tədbirləri ilə, onun, Aybək Bağırlıya və Rəşid Fərəcova məxsus mağazalarının divarlarına quraşdırılmış kondisionerləri oğurlaması da müəyyən edilib.