Atatürk hava limanında 3 partlayış: 28 ölü, 60 yaralı – VİDEO+FOTO (YENİLƏNİB)

İstanbulun Atatürk Hava Limanında terror aktı baş verib.

AzNews.info Türkiyə mətbuatına istinadən xəbər verir ki, hava limanının xarici reyslər terminalında ard-arda 2 partlayış baş verib. Hadisə şahidlərinin dediyinə görə, partlayışdan öncə əraziyə çox sayda polis gəlib. Daha sonra atışma səsləri eşidilib.
Atışma səslərindən dərhal sonra isə, partlayışlar baş verib.

Məsələ ilə bağlı artıq Türkiyəli rəsmilərin ilkin açıqlamalarında hadisənin terror aktı olduğu təsdiqlənib, hadisə nəticəsində ölən və çox sayda yaralıların olduğu bildirilir.

Baş nazir Binəli Yıldırım terror aktı ilə bağlı, Daxili İşlər Naziri və İstanbul valisinə zəng edərək dərhal böhran qrupunun yaradılması barədə göstəriş verib.

Qeyd edək ki, artıq hava limanının bütün giriş və çıxışları bağlanıb.

***

AzNews.info CNN Türk-ə istinadən bildirir ki, İstanbul Valisi Vasib Şahin mətbuata açıqlamasında 3 partlayışın təsbit edildiyi və partlayışlar nəticəsində ilkin olaraq 28 nəfərin həlak olduğu, 60 nəfərin isə yaralandığını bildirib.