Baykerlər İŞİD-lə döyüşmək üçün İraqa getdi

Almaniyanın "Median Empire" motoklubun üzvləri İŞİD terror qruplaşmasına qarşı döyüşmək üçün İraqa gediblər.

ANS PRESS-in məlumatına görə, bu barədə açıqlamanı klubun mətbuat xidməti verib.

Baykerlər İŞİD-lə döyüşən Peşmərgə kürd qüvvələri tərəfində mübarizə aparacaqlar. Baykerlərin Peşmərgə ilə çəkilmiş fotoları da yayılıb.

"Başqaları boşboğazlıq edərkən, bizim klubun üzvləri ön cəbhədə İŞİD-lə döyüşür", deyə açıqlamada bildirilir.

Qeyd edək ki, bu yaxınlarda hollandiyalı baykerlər də İŞİD-lə döyüşmək üçün İraqa getmişdilər.