Türkiyədə rusiyalı səfirin qatilinin qohumları azad edildi

Ankara prokurorluğu Türkiyədə qətlə yetirilən rusiyalı səfir Andrey Karlovun qatilinin altı qohumunu azad edib.

Oxu.Az xəbər verir ki, bu barədə “CNN Turk” telekanalı məlumat yayıb.

Altıntaşın atası, anası, bacısı, iki əmisi və onlardan birinin həyat yoldaşı ifadə verdikdən sonra azad ediliblər. Telekanal bu barədə hüquq-mühafizə orqanlarındakı mənbəyə istinadən məlumat yayıb. Onların həbs edilməsi üçün əsas yoxdur, onlar iş üzrə sadəcə şahid kimi ifadə veriblər.

Diplomata hücum bazar ertəsi fotosərgidə baş verib. Polis Mövlud Mert Altıntaş bir neçə dəfə səfirə atəş açıb, yaralar ölümcül olub.

Rusiyada diplomata hücumu terror aktı kimi qiymətləndiriblər. Qətlə görə “Ceyş əl-Fəth” Suriya koalisiyası öz üzərinə götürüb.