Bağla

AzNews.info



Bölmə: İdman » Şahmat

Olimpiadada 2 şahmatçı ölüb

Olimpiadada 2 şahmatçı ölüb


"Norveçdə Şahmat Olimpiadasında bir neçə saatın içində 2 şahmatçı ölüb. Onlardan biri oyun vaxtı ölüb".

ANS PRESS-in məlumatına görə, bu haqda Guardian qəzeti yazıb.

Xəbərdə deyilir ki, İsveçrədə doğulmuş və Seyşel Adaları yığmasında çıxış edən 67 yaşlı Kurt Meyer son oyun vaxtı birdən yıxılıb, onu xəstəxanaya çatdırsalar da keçinib.

Bir neçə saat sonra isə Özbəkistandan olan və adı bildirilməyən şahmatçı hoteldə öz otağında ölü tapılıb.

Hotel Olimpiadanın keçirildiyi Tromso şəhərinin mərkəzindədir. Polis bu ölümdə şübhəli hələ heç nə görmür.

Olimpiadanın sözçüsü Jarle Heitman deyib ki, bir yerə və uzun müddətə bu qədər çox adam toplaşanda belə hadisələr ola bilər.

Qeyd edək ki, Olimpiadada 1800 şahmatçı oynayırdı və 1000 məşqçi var idi. Yarış iştirakçıları hərəsi 5-6 saat çəkən 11 oyun keçiriblər.

Olimpiadada hər iki ölümün dəqiq səbəbi hələ məlum deyil.

Olimpiada vaxtı şahmatçıların ölümləri əvvəllər də belə hadisələrin olduğunu yada salıb.

2000-ci ildə Latviya yığmasında oynayan, bakılı qrossmeyster Vladimir Bagırov Finlyandiyada yarışda oyun vaxtı ürək tutması keçirib.

Eyni ildə latviyalı qrossmeyster Aivaris Gipslisin Berlində oyun vaxtı ürək tutması olub və az sonra ölüb.

chess24.com-un Olimpiadada müxbiri Tarjei Svensen deyir ki, "Bu Olimpiada çox içki içmək hadisəsi kimi tanınıb. Olimpiada vaxtı 2 istirahət günü var. İstirahət günləri və bu ərəfədəki gecədə həddən artıq çox içki içilir".

Mənbə: Azadlıq Radiosu

* Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

Oxşar xəbərlər

Şərhlər


Adınız:*
E-Mail:
Yağlı Əyilmiş Xətt altdan Xətt öndə | Sol tərəflə yığ Mərkəzdə Sağ tərfdə yığ | smayl qoşmaq Bağlantı qoşmaqBağlantı ilə qorunan Rəng seçimi | Gizli mətn Məqalə qoş seçilən mətni kril əlifbasına çevir Spoyler
Kodu daxil edin: *