Azərbaycan Qolf Federasiyasında “Barbekü günü” – FOTO

Qaliblər müxtəlif hədiyyələrlə mükafatlandırıldı.

İyunun 13-də Azərbaycan Qolf Federasiyası “FlamesGolf Yay təlimləri"nin başlanması münasibəti ilə “FlamesGolf Yay Barbekü günü”nü keçirib.

Oxu.Az xəbər verir ki, saat 12:00-dan başlayan tədbir 18:00-dək davam edib.

Tədbirdə böyüklü uşaqlı 100 nəfərə qədər qonaq iştirak edib.

Gələn qonaqlar üçün yemək, musiqi, qolf və mükafatlar olan əyləncə dolu bir gün təşkil edildi.

Qolf oyunları keçirilərkən yarışda qalib gələnlər müxtəlif hədiyyələrlə mükafatlandırıldı.

Tədbirdə iştirak edən bütün qonaqlar üçün lotereya müsabiqəsi keçirildi.

Qolf idman növü ilə bağlı olan hədiyyələr- qolf oyun dəsti, qolf ayaqqabıları, qolf köynəyi, qolf çantası və Azərbaycan milli qolf klubunda 18 dəlikli peşəkar qolf meydançasında pulsuz oyun lotereya müsabiqəsində qalib gələn qonaqlara təqdim olundu.

Azərbaycan Qolf Federasiyası tərəfdaşı Qatar Airways ilə birgə Flames Qolf proqramının üzvlərinə ayrıca xüsusi qolf idman köynəkləri hədiyyə edildi. Ümumiyyətlə bütün qonaqlara isə kiçik bağlamalarda hədiyyələr verildi.

Həmin tədbirdən hazırlanmış fotoşəkilləri təqdim edirik.